29-хьусды октябрес МыхаIд райондид администрациедид актовый зала райондид кьухьные выгыр ай иджлас МыхаIаIды арендаторашихьван. Гьади иштрак гьыъыр ай райондид кьухьды Давуд Амааевич Сулейманова, МыхаIд сельсоветед седри Раджаб Юлдашбалаевич Гасантаева, арендатораше ва мадды сес выъыр ад юлдашеше не журналистеше.
29-хьусды октябрес Москвади гьаIсил дишир Москвадид ва сиене Русьдид Патриарх Кирилл не Дагъыстанад кьухьды Сергей Меликов. Гьади иштрак гьыъыр Дагъыстанад муфтие, шейх Ахмад Афанди Абдулаева ва Махачкалдид не Грозныйед архиепископ Варлаама. Агъмиш гьыъыр ай сытIад гвалахбыр хуIкиметед идарамыд на духовенствадид миллитмыд арымыд саваIлид сураады, джигьилешис дюзды тербие вынид сураады, са ки кьылеваъад джигима телебийшды кьалбыд...
21 октябрес Дагъыстанад маданиетед не миллитмыд чIилмыд Йыгъа республикади йыгыр ай акция «Дагъыстанабишды чIилылад диктант»-хьур. Гьа диктант кихьир ай Махачкалди ад Дагъыстанад магьаIлимешды университете ки. Филологиядид факультетед гьа йыгъа ракбыр ачых йиъий сиенебишис: гьалыс йигарди, йитIкьыр джус джуды чIел йыхана вацIараъама хьур гьацIара гьаъасды чараа анивиъий. ХаIрне, гьа йыгъа 14 джура дагъыстандид чIилмыла 300-ды инсанара...
Дидды Йыгъад байрамад хьурагинды йыгъа МыхаIбишды СОШ№1 мехьтебе выгыр ай «Территория пап»-хьур футболад турнир, гьили сахьусды иштракчиер диъий телебийшды дидабар.
Ес ихтилат гъийгъа гьаъас йыгара ихьды саваIлид. Февралед 2022 сыдыла хъуъ ихьды хуIкиметере гыргарара а Украинади СВО (специальная военная операция). ХаIр муIкъуIре, райондире, республикадире ва хуIкиметахда йикI ешед инсанаше гьаъара джваIршида руъуд кюмег ихьды СВО-ди иштрак гьаъара ад йигитешис. Ихьды МыхаIд райондире ки шумаиди сигыр ай пай-гвалбыр эскерешис, гьада сагъулбыр гьаъара ес джывабыр хъуIгъуIре.
Мистед Хизындид Сыда, ислеэнды йыгъа, 21 октябрес, МыхаI, ЦТНКНР-хьур идаради выгыр ай рувгъуд устIул, дур гъад «УвухуIн ва хаIр выъын мыхаIбишды чIел, китабыр ва эвелды мадиниет халкьдид». Гьа гвалах сытIа агъмиш выъыр МыхаIд райондид, китабханад кьухьние, райондид Хьылешды Советед седрие Индира Салмановара на республикадид «МыхаIбишды цIинды хабарбыр» газетед баш редактора Тимур Махмудова. Гьа маджлисед везифе...
17 октябрес Дагъыстанад кьухьды Сергей Меликов «Россия – моя история»-хьур таарихед парка хаIсил йишир Мехьтебед футболад лигадид чемпионашихьван ва «Зарница 2.0»-хьур сиенероссиядид военно-спортивный дюльхъинмыд финала сахьусды ер хывкьыбишихьван округад этапа.
Амсар муIкъуIд сельсовет йиъи Курбанов Суракат Надирович. Гьа гвалах гьание ваъара ад 14-хьусды сен йиъи. Гьа сыдырмыд арыди гьание джуула асыллы йиъид балад гвалахбыр кьуле йыгыр анийиъи. Сахьусды выдж гъилы-кьулуу гъана Амцурды дуьз-дьузгюн гьыъыр а хынымешисды спортад площадка. Джигьилешис ер вишир а, гъаъна темизды гьавыдыы дыхьыр дуьлхъесды. Физкультурадис балана убур рыхыIре каIчIур а джигьилер, гьа...
Ихьды республикадид меркезди ад Дагъыстанад гьашыкь Сулейман Стальскиед дур гъад парк дюз-дюзгюн хъыъыр ачых хъыъыр а. Ачых гьаъад вахтинди гьади иштрак гьыъыр ай Дагъыстанад Кьухьние Сергей Меликова, «Иман»-хьур фондад кьухьние Фируза Керимовара, Махачкалдид мэре Юсуп Умавова, ДР-дид писателешды Союзад седрие Марина Ахмедовара ва мадды сес выъыр ад мийманаше. Парк ачых гьаъади Сергей Меликов гахъыри гьади...
Базарды йыгъа, 13-хьусды октябрес, зы, «МыхаIбишды цIинды хабарбыр» газетед суруула, ва Насир Юсуфов, райондид телевидениед кьухьды, дыхьыр ай хашкурди ваъас СВО-да кьаъды 20-ды йыгъад отпускади хъиркьыр ад Алиев Ниямудиныхда. Ниямудин МыхаIаIды Алиев Пулатды на Тюмен-ришид кIаъдыбыйды дух йиъи. Ихьды везифе Пулат шуд хала дыхьын — духарыс хош-беш выъын, къутливалдыбыр гьыъын гьанийис Дагъыстанад Халкьдид Йигит йиширадыла.
