«Единая Россия» партиедид инициативадыхьван игъийир а гене почтадид 10 марка Россиядид Йигитешды — специальный военный операциедид иштракчийды дуруу гьыъыр ад, партиедид пресс-службадид хабардихьван.
Маркадик кид эскерешик кинийиъи дагъыстанашура, гвардии старший лейтенант Шамиль Магомедов.
Гьанийла саваенди маркадик кедир а мистед сыда генерал-майор Владимир Фролов, гвардии подполковник Иван Поздеев, подполковник Александр Аксенов, капитан Андрей Иванов, гвардии старший лейтенант Андрей Ковтун, гвардии старший лейтенант Игорь Насибуллин, гвардии ефрейтор Александр Власенков, полковник Алексей Катериничев ва прапорщик Никита Гусев.
Гьа дурубыр адгасды маркабыр «Российский Федерациедид Йигитер»-хьур сериядид, СВО-дид иштракчийшды шикилбыр ки ва гьабишды подвигмыклады ихтилатбыр ки гъад, гъаъ силгад церемония выгыр ай Москвади Победадид Музее Ватандид Йигитешды Йыгъа. Тираж хаIр маркадид – 45 гьагъзыр экземпляр.
«Хьибыд сен йиъи е гъад-гъана выгыргара ад почтадид маркабыр гъаъ сигынид церемония, Россиядид Йигитешды дурухда гьыъыр ад, гьа йигитешды хаIдийбыр выйне гьабишис дыркьыдыла хъуъ подвигмыд бадана, специальный военный операциеди гьыъыд. Символично йиъи, ми церемония выгын Победадид Музее. Гьисхьурди гъийгъад специальный военный операциедид йигитеше сиъинмыд суруула Великой Отечественной войныдид йигитешды гвалахбыр маа кьуле гыргара а.
«Сасад Йигитешихьван зы тааныш йиъий. ГьаIрние 10-ды Йигитекла джуду подвиг выъыр ай, ва гьабишды дурубыр табата ихьды йикIима адгаси. Ва е Гъаалиб ки дикиси!» — гьухьури «Единый Россиядид» Центральный испалкIумад кьухьние, партиедид Генсоветед секретаред заместителе, РФ-дид Госдумадид депутата Александр Сидякине.
Россиянашда маркабыр, 9-хьусды декабрес 2024-хьусды сыда гъаъ игъитхьур ад, лешус йикиси почтамыд отделенияма ва «Коллекционер» салонма сиене валаетди ад.
Маркабыр гъаъ сигыр ай Йигитешды кIаъды ватанмаки – Санкт-Петербургди, Биробиджанди, Благовещенскади, Калининградди, Курскади, Махачкалди, Псковди, Саратовди, Ставропольди, Сыктывкарди.
Б. МЫХАIДЫ
