9-хьусды декабрес, Ватандид Йигитешды Йыгъа, МыхаIд районди гьа Йыгъ гуьзет гьыъыр йыгыр ай хайлинды маджлисбыр. Райондид кьухьды Сулейманов Давуд Амаевиче иштрак гьыъыри баласды гьа Йыгъад маджлисма. ЙаIкваIд кьулаа гьание джуды кабинете выгыр ай кьухьды иджлас, МыхаIд райондаады СВО-ди дыркьыд Йигитешды хизанбыр сес выъыр.
Гьелбетдики, гьа иджласад сахьусды везифе виъий йикIыы дыгын Йигитер, гьуIмир сивхьид, ватан азад ваъас хьур.
КваIдхьусдыки, Давуд Амаевичис хъацус йигара ай, шыв суалбыр, дерди-къавгъубыр ади гьа хизынмыхда, выдж гъилы-кьулуу гъана хаIр са гьабишды къавгъуед дерде йикисне.
Райондид кьухьние хаIр са гьа иджласа йиркьыр ад инсындыы чIел-гаф гъывъыри, ва хаIрнийхьан джураана гьалгыри, хуткун-суалбыр гьыъыри ва чIел выри, хаIр са суалад выдж дерде йикиси, хьур. Ва кьухьды сагъулбыр гьыъыри Йигитешис тербие выд дидабашис не нинабашис.
-Аллагьара рахмаIт выъый ихьды дыркьыд Йигитешис. Ва сиене СВО-ди иштрак гьаъара ад ихьды йигит- духрешис сагъ-саламатна хъидыкьас къисмат йиший, гьабыр сиене диъи кьухьды гиджичIед йикI ад Йигитер, -гьухьури райондид кьухьды Давуд Сулейманова

Зарема Исрафилова