РД-дид Минобрнаукадид пресс-службадире выъыд хабардихьван, «Земский учитель» программадихьван дестикь выъыр гьазыр выъыр а магьа1лимешды 30 ер. Республикади 11-ди районди не са шегьерди гъедкьыр а лазимды сиене магьа1лимер. «Земский учитель» программадире му1къма ад на к1аъды шегьерма ад хынимешис куьмег гьаъара йыхана кьыле ваъас, джва1ршис магьа1лимешис – мааки йыхды, гвалах вац1ад магьа1лимер дикис: джигьил ва опыт ад педагогашда йикис йыхана джва1р гьадгва даъас гвалаха ц1инды еринды, лешус кьухьва1лид ва магьа1лимешды опыт.
Дагъыстанди кьылебырмыд ва гьы1лимдид Министерствади ха1сил дишир ай «Земский учитель» программадид иштракчийшихьван, гьади гьабыр гене кьуле эдир, шууна гвалах выъыр йыгарди кит1ир ад соглашениемыхьван.
Пай дыъыр ай магьа1лимер гюзет гьыъыр йыгыд мониторинг гъеджедкьынид магьа1лимер мехьтебырма, му1къма ад, поселкама ва 50 гьагъзыр инсан ад шегьерма.
Гюзет гьыъыр гьа кар Карабудахкентский районди сидигыр ай 5 магьа1лим английский ч1ел ха1р ваъад, кьва1р магьа1лим к1аъды классмыд ва кьва1р урус ч1илды на литературадид, генеки географиедид, математикадид ва историядид магьа1лимер.
Физикадид магьа1лим сигыр ай Каякентский районди, Гунибский районди – английский ч1илды магьа1лим.
Кизлярский районди – математикадид магьа1лим, Кизилюртовский – английский ч1илды, математикадид ва химиедид магьа1лимер, Новолакский – кьва1р математикер не ва английский ч1илды магьа1лимер, Хасавюртовский – информатикадид, химиедид ва урус ч1илды на литературадид, историедид не ва обществознаниедид магьа1лимер, Ахвахский – к1аъды классмыд магьа1лим, Буйнакский – английский ч1илды, Табасаранский ва Бабаюртовский районма – математикадид не физикадид магьа1лимер, Кизилюртди – английский ч1ел ха1р ваъад магьа1лим.

Б. МЫХАIДЫ