Дагъыстандид Правительствади РД-над Правительствадид Седриед заместителе Абдурахман Махмудова 27 апрелес выгыр ай гвалахад иджлас, агъмиш гьыъыр суалбыр, эккед гьугълумыра выд зиянмыд хъывысды инсанашис выплатамыд.
Гьади иштрак гьыъыр ай министерствамыд ва ведомствамыд къуллухчийше, «Надежда» ва «Инсан»-хьур благотворительный фондмыд инсанаше, муниципальный образованиемыд кьухьдыбише, режим ЧС ад ермыд.
Докладбыр гьаъади, йис выплатабыр сасадбишис джывыъыр ади вац1ара выъыр йишир ад зиянмыд кьимет, далгабише мисед суалбыр лаъ гет1ир ад агьвалатад: зиянбыр йишид зонама адишды адресбыр; регистрациедид штамп гъадишне гьац1ара гьаъас джишин дуруъуд, джудгъу1д ешемиш гьа зонама инсанар; гьалды халбыр йиъид гьац1ара гьаъас джугъу1д документбыр халмыд адишдыыла.
Абдурахман Махмудова гьухьур, суал инсан му1къа1 ешемиш руъуд, джугъу1д йишир йыгаддиш, йисхьурди, «му1къмыд кьухьдыбишис гьац1ара, выш гьекъийкъат ешемиш руъурди му1къа1, ва гьа гвалах гьекъийкъатды виъи, хьур, хы1ва1 лешур йыгара, гюзет гьыъыр гене шыв киди похозяйственный китабырма».
Халды документбыр адишва1лид суалад бадана вице-премьере гьухьур, ерлид администрациемыра джат1ур кьуле атхад гвалах выгыр йыгара инсанашихьван, джуьхьды хал-лахмыд документбыр вахтинди гьыъыр йыгынид. Адресбыр адишва1лид суалад бадана гьа1рзе выныйды, зиянбыр йишид зонади ана, Абдурахман Махмудова гьухьур, адресбыр кьухьды гьугълумыра зиянбыр йишир абишды гьац1ара гьыъыр дюз-дюзгин хъыъынид гвалах выгыргара маба, лувза джывыъыр. Гьание хайиш гьыъыр, йихьяъ инсанашде, хьур, эгер гьа1рзе вылц1ад арыды адрес адишне йишийне системади, гьасад инсанада хъывыс руъура кьва1бхьусды гьа1рзе.
Гьадыла саваенди, вице-премьере гюзет гьаъ, хьур, зиянбыр выр ад инсанашик, халмыд докуменбыр адишды, кинидиъи, инвалидер, балад хынимер ад хизанбыр, касибер ва текене ешемишдыбыр, гьадыла гъайир СВО-дид иштракчийшды хизанбыр, вахтинди куьмег выр йыгад.
Гьадис гюре гъийгъад йыгъ бегьем руъума муниципальный образованиемыда хайиш гьыъыр лийкьа гьаъ, хьур, кьыле дыъыд лаъна инсанашды, хъывысна гьабыр хьеликана благотворительный фондмыда адресный куьмег вын бадана..
«Надежда»-хьур фондад кьухьние Мурад Керимова гьухьур, фондара сигыр ай зиянбыр выр ад муниципальный образованиема запросбыр, сигаъ, хьур, инсанашды списокбыр, документбыр адишды. Гьанийды ч1елмыхьван, гьа арыды йыдкьыр а сахьусды список меркездид администрациеда. Кьвунды йыгъад арыди лийкьаси мадды районмаки.
Гьание гене гьухьур, списокмык кид ха1р адреса фондад инсанар дыхьыр ай халма, гьадис гюре гьац1ара йишир, сасад инсанашихда кьад документмыд анийиъи, ва гьабишда лешус йикиси выплатабыр РД-над бюджета.
РД-над гвалах ва социальный развитиядид министре Магомедзагид Кихасурова гьухьур, ми вахтинди вац1ад хабардихьван, гъийгъад йыгъа выплатабыр выр а 7 654 инсындис.
Кихасурова гене гьухьур, к1ыбды яц1-к1ац1 гьыъын бадана Махачкалдид соцзащитатид Управлениеди руъуъуд гьа1рземыд, куьмег гьаъас сес выъыр йыдкьыр а соцзащитамыд къуллухчиер мадды муниципалитетмаки.
Бегьем вуруъуда иджлас, Абдурахман Махмудова хайиш гьыъыр шегьермыд ва районмыд администрациемыд къуллухчийшда, к1ыбдика выгырга хьур кьимет вылц1ад комиссиямыд гвалах ва дюзгинне ац1а гьаъ, хьур, обследованиемыд актбыр.
Б. МЫХАIДЫ
