Гъийгъа, улджумад йыгъа, 29 ноябрес Республика Дагъыстанад Кьухьные Сергей Меликова хъывылцIыра ай джывабыр джамаIхтире выр ад суалмыс.
Гьеми хылис выгыргара ад прямая линия Дагъыстанад Кьухьнийды Сергей Меликовды виъи йукьубхьусды.
25 ноябред Дагъыстанад Минцифрадид статистикадыхьан прямой линияди йидхъыр а сиене сытIана 850 суал, баласды суалбыр инсанаше выр ай:
Махачкалда — 348,
Каспийскада — 93,
Дербентский районда — 39,
Дербент шегьерда — 28,
Бабаюртовский не Кизилюртовский районма йидкъыр а — 18 суал хаIр районда.
Дагъыстанад джамаIхтире сигыр ад баласды суалбыр йиъи дюз-дюзгин гьыъын джваIр ешемиш диъид муIкъбыр на шегьербыр гъебле хъыъын, раIхъ-кьулбыр, накьумыд суалбыр, газад, тукад ва здравоохранениедид суалбыр.
ХаIр инсанада хъывыс йикисий джуду суал ва гьаъас ийкисий ихтилат джуду четинваIликла гьеми телефонад номера 8-8722-98-90-81. Гьадыла савайине выс йикисий суалбыл сайта voprosglaverd.ru. ва социальный сетьма Сергей Меликовды «ВКонтакте». Гьеми ссылкадыла https: //vk.com/app51793122.
ВаIс йикIыы лихъиес йыгара, хуIрметли ихьды газет кьыле гьаъад юлдашер, шесды сыда ки гьеми йыгъа вишид виъий Дагъыстанад Кьухьныйхьан прямая линия. Гьади Сергей Меликова дагъыстанабишды суалмыс джывабыр хъывыр ай 3 сагьаIта. Выр ай джываб 35–ды суалас, баласды суалбыр йиъий инсанашды ешайиш лаъ гьыъынид, тукмыд, хьедмыд, транспортмыд ва Украинади гыргара ад специальный военный операциедикла.
ДжамаIхтид суалмбыр бадана Сергей Алимовиче дыъыр ай тапширмиш районмыд, шегьермыд ва министерствомыд кьухьдыбыр. Мадды суалбыр прямой линияди джываб джывыд джуды контроле лешур ай.

Насир Ибрагимов