Дагъыстандид Минэнергадид пресс-службадире выъыд хабардихьван, ваъара ад газопроводад «Ахты-Хрюг-Рутул гьазырвалды вишир а 63% йыхы1р.
Шууна гвалахбыр еримиш руъура ади гадкьыр ай сыт1а ведомствадид къуллухчиер, Ахтынский райондид администрациедид инсанар, ГКУ РД «Спецгазстройсервис» ва подрядный организациед къуллухчиер. Объект кьуле гыргара ад йиъи Республикадид инвестиционный программадыхьан.Гъийгъад йыгъахьан накьудихьде гийир а полиэтиленовый газапроводад турбабыр 18,2 км йыхы1р пректахьан гьагва гьыъыр ад 28,8 км-дикла. Газопроводад сиене монтажный гвалахбыр гыргара а гьагва гьыъыр ад графикехьан, гьабыр бегьем гьаъас йыгара а 2027-хьусды сыда.
Газопроводара газ эт1ес 12 му1къа1 Гьахтид не Мыха1д районмыд. Гьа бегьем вишийне газ ишлемиш гьаъас йикиси 12 гьагъзыр инсанада. Проектбыр на ва аъна му1къма гыргасды сетьбыр кийир а Дагъыстандид газоснабжениедид не газификациедид программадик кьуле выгыргасды 2026-2030 сыдырма ПАО «Газпром» идарадире.

Б. МЫХАIДЫ