«Солнечный берег. НКО. Новый вектор»-хьур ху1киметмыд форума гьалгади, Дагъыстандид Правительствадид врио Седрие Магомед Рамазанова гьухьур, гьекъийкъатана вылц1ад куьмег мысга йик1идады йиъи ва джус хайир хъывысимихь хьур фикир адишне.Джурана дур сыхы1р инсанашис вылц1ара ад эккед куьмгиы ва хыл йывхы1ниы регионас Сулейман Керимовара на Омар Муртазалиева.
«Эгер е гьаъара йишийне йик1идана, Элигъад рази йишин бадана, ва выд куьмег джухда хъикьас хьур гюзет джыъыр, гьа мысга эккед хайир, йыхды гвалах виъи. Эгер е гьа гюзет джыъыйне, Элигъание джу хъывылц1ара. Вияъ йик1идана ва гюзет маъ хъикьас хьур – гьагедене ва1с Элигъание хъывыс», - гьухьур Магомед Рамазанова.
Бегьем руъуди генеки сагъулбыр гьыъыр сиене куьмег вылц1абишис, кьабыл гьыъый хьур йыхды гвалахбыр.

Б. МЫХАIДЫ