7 октябрь Владимир Путин гьухуд йыгъ йиъи. Гьадис гюре Дагъыстанад кьухьние С. Меликова къутли гьаъара Президентес гьа йыгъ мисе гьухьур:
— Дагъыстанад миллитмыд суруула ва изды суруула къутливалдыбыр гьаъара ихьды валаетед Президентес Владимир Владимирович Путинес гьухуд йыгъад!
Гьанийды дур сыхыIйне йикIыы вуруъура цIинды Россия, йыхды ватандид гьадат-нубатбыр, хуIкиметет кьуве, гьадид сиъин суруулад уфтанвалды,
ХуIрметли Владимир Владимирович! Ихтияр ви сагъул-варул ваъас Вас Ва рухьуд гьакьаллы ихтилатмыхьван, выды суалмыхьван йыха вуруъура адыла ихьды республикади яшайишвалды йыгъ-йыгъаала. Дагъыстанабише садаки йикIыыла утха гьаъасдиш, шууна 25 сен хьурагине выды гьунурдыхьван батмиш даъас йиширди ихьды республикади йыдкьыд бандформированиебыр.
Выды дуьнйады ад дурухьван ва йигитваIлихьван сиъинбыр гедкьыри джикисды Россиядихьван гудж ваъара далгас. Йыгъ-йыгала ихьды халкь лаъ-хьуъ виъи Вы хьурагине, чалыш диъи гьалынана асыллы дишне йес йыгадкал йашайиш дикис.
Ихьды савалды — ихьды кьуве виъи! Генеки Вас къисмат гьаъара сагъды джан, йыхды гвалахбыр ихьды Ватан бадана!

Б. МыхаIды