Дагъыстандид Правительствадид Седри Магомед Рамазанов йыхьыр ай цифровой развитиедид офисе, республикадид информациедид не печатед министерствади ад. Гьади гьа гакъыри фуланды гвалахас лазимды условиебыр ама хьур. Гьа хабар ливир ай Дагъыстандид информагентствадид пресс-службадире.Юрий Гамзатова ихтилат гьыъыри - 2023-хьусды сыда ведомствадид идара гьакьна-кьулна дуьз-дуьзгин хъывыъыд виъи, «Развитие информационного общества» - хьур ху1кийметед программа кьуле выгыдыла хъуъ аа гедгыд тангымыхьван. Сен улихьде гине бегьем гьыъыр ай гвалахбыр республикадид кьухьнийды Ситуационный центрад гвалах гъилы лывхадид.
Офисе ари оборудовать гьыъыр ани йиъи са-сынийхьва1н сыкьы1р далгас йикисды кабинетбыр, 30-инсан эдхьасды конференц-зал ва кьухьдыбишда семинарбыр гыргас йикисды центр. Гьадыла саваенди гьади сихьир а «интерактивный терминал самообслуживания» ха1р-джура лазимды услугабыр ад.
Быт1рад лейихды усул выгыр а араа кабинетмыки. Офисе масалыхда хъийир а Дагъыстанди ад достопримечательностмыд шикилбыр. Гьа шикилбыр силъэре, эгер приложение телифуна ийий не. Гьадис гюре ха1р са шикилед аа QR-код кини йиъи.
Магомед Рамазанова йыхды кьимет выри гьыьыр ад коллективес раха1твалдымыс ва гьыъыр ад ремнотмыс. Гьадыла хъуъ минстерствадид площадкади гьание выгыри иджлас.
Фото взято с сайта Правительства РД

Зарема Исрафилова