Дагъстандид врио кьухьды Федор Щукине ва россиедид Государственный Думади депутатва1ле диъид кандидаташе сыт1а ВКС-форматахьван выгыргара ад иджласа иштрак гьыъыри, йыгыд сечкимыд гьалаки гьац1ара йишир ад итогмыд бадана. Фуланды иджлас выгыри «Единая Россия» партиедид седри - Дмитрий Медведева.Видеоконфиренция ад арыди Дмитрий Медведева сагъулбыр гьыъыри сечкима иштрак гьыъыд инсанашис, гьание гьухьури михылис сесбыр ми сыдырмыхъаъ ки бала ийир а, ийид сесбыр 57% йишир а.
«Гьеми сечкимыхьван кедилъэре ай Думадид депутатар ки ва мадды регионмыд кьухьдыбыр ки. Сиене сыт1а 20 гьагъзыр дыхъунды мандат ани йиъий», – йик1иы лихъийири гьание.
Дмитрий Медведева гьухьури - баласды инсанар ми хылис ки хъунидиъи хьура гид политический партиедыхда. Гьа рухьуд ч1ел виъи мидыла хъуъ ки гьа партиеды умуд ваъара а ху1кийметед хьура гид лазимды гвалахбыр кьуле йыгын бадана.
Партиедид Седриед йик1ы гъа «Народный программа» ва регионмыс лазимды программабыр кьуле гыргас.

Зарема Исрафилова