Дагъыстандид врио кьухьды Федор Щукин йыхьыр ай ГБУ РД «Республиканская клиническая больница скорой медицинской помощи»-хьур зданиеди ачых выъыр ад ц1инды приемный отделениедыхда гахъас. Гьади гьанийхьван диъий РД-дид Правительствадид седриед врио заместитель Абдурахман Махмудов на ва РД-дид здравоохранениедид министред врио Алиомар Ахмедов. Гьади йыхьыйне республикадид Кьухьды тааныш йишир выгыргара ад гвалахахьван, оборудованиедыхьван, ад условиемыхьван едебишис ва гвалах ваъадбишихьван. Джурана эккед убур йыхы1р ай йыха выъынис ва раха1т вишинис вылц1ад к1ьыбди куьмгид гвалах, ва мааки региона лаъ выгынис медицинадид инфраструктура. «Гьеми ц1инды здание 1,5 гьагъзырды метрия сихьир ад дюзгинне гвалах едедбыр к1ыбди кьабыл даъас йикисды джига йиъи. Сиене гьамыъды вахтиндире ягъа1д ка дюзгинне йиъи», - гьухьур Федор Щукине. Гьание гене гьухьур, приемный отделениедыла хъуъ плынди а ц1ине хъаваъас сиене больница. Шууна лувза выъырди ц1инды приемный отделение ихтилат гьыъыр больницадид главврачере Магомед Иманалиева. Гьанийды ч1елмыхьван, больница ваъара ка1ч1ур ай августас 2025 сыда Федеральный проектахьван куьмег выр РФ-дид Правительствадире. Лазимды сиене ядалбыр гьац1ара гьаъасды оборудованиебыр анийиъи, хьур. Гьади ана Федор Щукине ихтилатбыр гьыъыр учреждениедид къуллухчийшихьван на ва едере кют1ир адбишихьван ки.

Б. МЫХАIДЫ