7-хьусды октябрес правительствадид ва джуду суруула гьухуд йыгъ Владимир Путинес къутли гьыъыр ай Дагъыстан Республикадид Правительствадид Седриере Абдулмуслим Абдулмуслимова ки.
— Гъийгъа джуды гьухуд йыгъ агъмиш гьаъара а ихьды хуIкиметед кьухьды Владимир Владимирович Путине. Сиене йыхды гвалахбыр йишир ад ихьды хуIкимете гьаатхыIд сыдырма гьанийды гьунурдыхьван йиъи.
Гьание кьабыл выъыр Россиядид кьухъьвалды лап джетинды вахтинди ва ихьды валает игъивир джетинваIляа лаъ-хьуъ хъывгыри. Гьанийды гьунурдихьван едаа йишири ихьды таарихдире ягъаIдкал Россиядихьван ари хъаъас Крым, Севастополь, Донецкая ва Луганская Халкьдид Республикабыр, Запорожская и Херсонская областьбыр.
Джуды гвалахахьван Владимир Владимировиче гьагва гьаъара, шууна асыллы виъиди хуIкиметед лаъ-хьуъвалды, гьадид кьуве йыхана ваъад инсанар бадана гвалахаала, гьабыр бадана.
Сиене ми сыдырма Дагъыстан Республикадис рыхьыIре ай хыл-худ, вылцIара ай кюмег Президентед суруула, ва джу рухьудкал, ихьды республика джус мысга йыхана гьувгад виъи.
Дагъыстан Республикадид Правительствадид къуллухчийше республикадид кьухьнийхьван сытIа гьаъара къутливалдыбыр, йе къисмат гьаъара ихьды хуIкиметед кьухьнийс сагъды джан, ва кьуве арыди гыргас йикIыы гъадыхъунды гвалахбыр!

Б. МыхаIды