Россиядид Президент Владимир Путине джуды Указахьван кьабыл выъыр ай къарар ераллы-параллы дишид эскерешды бадана СВО-ди иштрак гьаъара ад. Гьадис гюре лап балана яраллывалды вишид эскерес 3 миллионакла хъывыъыр а 4 миллион манут, нага эскер инвалид йишийне.
Эгер келлидис зиян-зарар йишийне, хыл-гъил кьатI йишийне ва мадды йуIкьды яраллывалды вишийне, гьа къарарахьван СВО-ди иштрак гьаъара ад гьасад йигитешис выси 4 миллион манут.
ЦIинды Президентед Указахьван сытIа 24 февралес 2022 сыда СВО кваIчIудула хъуъ яраллы дишир ад инвалид эскерешис хъывыси 1 миллион манут.

Насир Ибрагимов