Россиядид Президенте Владимир Путине Кремлиди кьабыл гьыъыр Дагъыстандид врио Кьухьды Федор Щукин.
Ха1сил дишида республикадид кьухьние ихтилат гьыъыр президентес шыв гьыъыр ади республикади эккед зиянбыр выдыла хъуъ балад угълумыра, лугъуд мартад ахирала апрель ваз кувч1идыйкьама, шыв ха1ле ади регионад экономикадид гьакьасабыр, генеки шыв куьмегбыр гьаъара ади СВО-дид иштракчийшис.«Правовой суалмыра мышат джыъыр йыгара оформит гьаъас хал-лахбыр на участокбыр, зиянбыр выр ад йишид эккед гьугълумыра, джыъыр йыгара мышат вылц1ад куьмегмыс», - гьухьур Путине.
Гьадыла саваенди, Щукине ихтилат гьыъыр, 3 гьагъзырала балад Россиядид юкьсурады регионма йыдкьыд волонтераше иштрак гьыъыр ай йыгыд гвалахма арыди-джаргыди хъыгади, дюз хъаъади зиянбыр выд ербыр-юртбыр Дагъыстанди 2026-хьусды сыда.
«Агъмиш гьыъыр ху1кийметед кьухьнийхьван Дагъыстанди мысга ад джетинды гьакьасабыр ки, куьмег ягъа1д федеральный центрада, меселла к1алба хъыгыр дюз-дюзгин хъыъын коммунальный ва транспортад инфраструктурабыр, кьуле йыгын национальный проектбыр, гъара аъ йыдкьын инвестициябыр региона ад экономикадид эккед отраслима.
Гьадыла саваенди выъыр эккед сагъул Владимир Владимировичес балад убур йыхы1нис гюре юкьсура дур ад дагъыстанашурас Расул Гамзатовас.
Ес сиъинбишис гьац1ара, шууна джураана убур рыхы1рди президенте Дагъыстандис ва дагъыстанабишис. Мысга ва юкьсура ес гьагвара рыхы1д убур – вылц1ад куьмгила гъайри арыди джаргыди хъыгас сиъин гьугълумыра зарарбыр выд ихьды яшайишед ермыла лакыр кьуле йыгынис эккед проектбыр, лаъ гьаъасды инсанашды яшайишбыр. Сагъул ваъара Владимир Владимировичес хыл-худ йывхы1нис гюре ихьды ягъа1лмыс, ва джат1ур рыхы1д республикадис убруд бадана», - гьухьур Федор Щукине.
Фото взято с сайта Главы РД

Б. МЫХАIДЫ