Гюзет гьаъара ад лаъ хъикис хьур кьиметмыра тукад 1-хьусды июляла хъуъ минкир виъи лаъ хъыгынис хьывад кьимет ки. Гасад хабар выъыр ай сасад хьыв гьаъад Махачкалди заводмыд инсанаше.
Йик1ыы лахъахара, 1-хьусды июляла хъуъ тукад тариф лаъ хъикиси 12% — 3, 94 манута йыхы1р 1 кВт-дид.
Гъийгъа Махачкалди хьывад буханкадид кьимет виъи заводала 45 манут, тукундыла мааки багьа. Булкамыд кьимет мааки лаъ йыбкьыр а.
Пекарнима гвалах ваъадбише рухьура, ми сыдырма хардчебыр бала руъура хьыв игъийин бадана: дуллух, ГСМ, тук, газ.
Мадды гьасад гене а джетинвалды – балад хьыв леджешур хъургъа хъаъара тукунмыла:инсанаше сасад гедене гьеч лебшурдиш джагварды хьыв, ва гьаса леджешуд хьыв сихъиргара йыдкьыд завода.

Б. МЫХАIДЫ