Дагъыстандид врио кьухьние Фёдор Щукине выгыр ай иджлас региона ад машинмыд топливадид агьвалатад бадана ва кьабыл гьаъас хьур кьарарбыр бензинбыр кьит джишин бадана.
Агъмиш гьыъыр ай топливадид кьиметбыр ва гьабыр дюзгин хъыъынид гьакьасабыр, са ки хьурагине агыр ад АЗС-мыд ч1ирид джигабыр усла хъыгынид. Щукине тапширмиш гьыъыр джат1ур бензинбыр йыдкьын бадана, мысга ад-адишды гьац1ара гьаъ хьур ва гьила йихирди бензинбыр, са ки макъыет диш хьур масак вылц1ад кьиметмы. Гьадис гюре гьыъыр ад йиъи временный оперативный штаб.«Штабара гвалах выгыргаси, тааки джетинды суалад кьарар кьуле гыргама. Гвалах выгыр йыгара кьыбды, лувза джывыъыр», – гьухьур регионад кьухьние.
Гьакьды-кьулды кьарарбыр эгъет1ес плынди а инсанашда мысга лешус йишин бадана бензин, мидыла хъуъ ки кьиметбыр лаъ хъаджаъасна.
Гьадыла саваенди регионад врио кьухьние гьухьур, Дагъыстанди нефтепродуктыбыр йыдкьынид агьвалат, мадды валаетдид субъекмака, джетиндына маба ва ц1амдире ц1ам йихире а гьабыр гъара аъ, лаъ руъура масак вылц1ад кьиметбыр, гвалах ки лувзур а сасад машинма бензин аъад станциемыд, дюз хъу1гъу1ма ч1ирине гьыъыр ад джигабыр гьама.
«Гьухьус йикиси топливо кьит виъи сасад джигима, ва балана к1ит йишир ай Махачкалди не Каспийскади, амма баласды хырыдад районма гьала ки агьвалат йыхды виъи. Джетин руъура бензинбыр агъахад заводмыд гвалах лувзуйне, агъахабише ыхьа1 сиргади, йыгара-джигара арыди ад инсанашда лебшуди эккед кьиметмыла, ц1ам сиргара диъид балад тангабыр йишин бадана, гьадыла саваенди хырыдад джигима йихидыла.
Лазимды джетинды суалбыр гьац1ара йиъи - кьиметбыр лаъ йыдкьыныла саваенди кьит йиъид бензинбыр», – гьухьур гьание.

Б. МЫХАIДЫ