Россиядид Президент Владимир Путине ваъ хьур а ц1инды байрам — Россиядид халкьмыд ч1елмыд Йыгъ, ва агъмиш ваъасды виъи гьа байрам ха1р сыда 8-хьусды сентябрес, дагъыстанабишды дур ад юкьсура шаир Расул Гамзатов гьухуд йыгъа.
«Хьурагинды иджласа е агъмиш гьыъыр ай ч1елмыд политикадид суал. Гьади выр ай поручение кьабыл ваъ хьур ц1инды къаанун Российский Федерациедид халкьмыд ч1илмыд, гьыъыр гьадихьван сыт1а ху1киметед реестр гьа ч1елмыд.
Гьадис гюре гьаъ рухьура учредить Россиядид халкьмыд ч1илды Йыгъ ва агъмиш гьаъасна гьа ха1р сыда 8-хьусды сентябрес – Расул Гамзатов гьухуд йыгъа. Сиене дуьнйады дур-ун ад шиъир «Журавли» кивхьид шаъире джудыбырна хакьыр ай кьва1б ч1ел: аварашды на выдж гьалгад ва урусашды, гьиды гьанийды шиъирбыр ругъа гьыъыйне, дуьнйадис хабар вишир гьамыд уфтанва1ликла ва сиъинбишис гьац1ыр гьанийды дур», — гьухьур Владимир Путине Совете, кьуле выгыргади ху1киметед политика, куьмег высды урусашды ч1илис не Россиядид халкьмыд ч1елмыс.
Йик1ыы лихъиере, 1991-хьусды сыдыд Къаанун «О языках народов Российской Федерации»-хьур дегиш выъыр йыгара хьур гьухьур ай РФ-дид Президенте ноябрь вазыра 2024-хьусды сыда. Гьа гедене ки гьание гьаъ хьур ай РФ-дид халкьмыд ч1елмыд реестр ва игъияъ хьур ай лазимды ва сакалды ху1киметед китабыр урусшады ч1илис ва сиене Россиядид республикамыд халкьмыд ч1илмыс.
Гьанийды ихтилатахьван, гьабыр агъахади гюзет гьыъыр йыгара сиене гьакьасабыр гьамыъды джигьил хынимешис бегемиш йикисды

Б. МЫХАIДЫ