Владимир Путине гьухьур ай Каспийский деръягьад цифровой копия гьасды йиъи, хьур. Гьадире хьед бала-сагьа1л йишид, джишид дегишвалдыбыр гьац1ара гьаъас. Гьа гвалах кьуле выгын бадана ишлемиш гьаъасды йиъи искусственный интеллект.Ихьды ху1киметады гьа1лимеше, хы1ва1 лешур а, джва1р кьуле выгыргаси, хьур, цифровой копия игъийинид гвалах. Гьабыр гадкьаси, шудаъды хьед лабкъурди ки ва шудаъды гьугъалбыр гьугъардики. Гьа ихтилат гьухьур ай Владимир Путине Каспийский экологический саммите.
2025- хьусды сыда вишид форума гьадид суалбыр лаъ гет1ир ай. Сабыйды гьа суалмыкла йиъий са джигыди ягъмиш гьыъыр йигадид сиене дерьягьаклады лазимды данныйбыр, ва специалистеше сыт1а гьыъыд данныйбыр ки ари кине. Гьадыла са ч1илы йидкьыри - цифровой копия игъиеси хьур.
Каспийский моредид экологический мониторинг йыгыр йигадид сахьусды хьура гид суал йикисды йиъи мида 12-13 ноябрес Каспийск шегьерди викисды IV Международный Каспийский цифровой форума. Гьа форума месла1гьа1тбыр гьаъаси искусственный интеллект шууна дуьзене ишлемиш гьаъасды ва космоса наблюдение гыргасдыдид не ва мадды цифровой технологиябыр шууна ишлемиш гьаъасды. Гьабыр сиене герек йиъи дерьягьад шыв дегишвалды вуруъурди гьац1ара йишин бадана лазимды экологиядид кьарарбыр кьуле гыргас ра1хет йишин бадана.
Фуланды форума иштрак гьаъас йигабишда йикиси форумад официальный сайта заявка саптас.