Дагъыстандид кьухьды Фёдор Щукин ха1сил йишир республикадид Общественный палатадид седриехьван Амирхан Магомеддадаевыхьван. Гьание гьанийис къутли выъыр ц1инды халкьдис лазимды гвалах ва ц1инды созыва ц1инене кувч1уд гвалах.
Гьабише кьуние агъмиш гьыъыр суалбыр шууна выгыр йыгарди палатадид гвалах, кьуле йыгыр йыгад сахьусды кьул гьакьасабыр ва ц1инды проектбыр. Далгыри, меслягьа1тбыр гьыъыри шууна выгыр йыгарди сыт1а гвалах ху1киметед властед органмыра джама1хтихьван, гьа арыды общественный палата вишир йыгара хьур сахьусды арыди-джаргыди выгыргасды гвалахад канал.«Формально выгыргас гвалах миди йикисдиш. Умуд ваъара ц1инды созывад общественникеше мааки лаъ-хьуъ выгыргас хьур гьа гвалах», - гьухьур Щукине.
Гьание гьухьур, выдж мысга гьазыр йиъи ха1сил йикис, меслягьа1тбыр гьаъас ва хайиш гьаъара ха1р кьухьнийдаки гьаса выгыргас гвалах. «Ихьды сиене гьаъара ка1бч1уд гвалахбыр ва кьабыл гьаъад кьарарбыр е кьуле йыгыр йыгара гюзет гьыъыр халкьдид сес не ва джама1хтид ниятбыр!»

Б. МЫХАIДЫ