Каспийскади йыгыр ай магьраIкатбыр 30 йишинис гюре терактала хъуъ
Каспийскади йыгыр ай йик1ыы хъыдгад магьра1катбыр 30 сен йишинис гюре гьади гьыъыд терактад..
30 сен хьурагине, 16-хьусды ноябрес 1996-хьусды сыда, т1ут1кьа гьыъыр ай гьуч1уб гьава ад хал №58 Ленинед дур гъад рыкъа1 гид, гьади ешемиш йиъий Каспийскадид пограничникешды отрядад эскерешды хизанбыр. Гьудкьуд халды плитамыхьде аа гитхьур 106 инсан. 67 гьабишикла дыркьыри гьа гедене, 39 сагъна адгыр лаъ гехъет1ир.Гьалхуд халды ераа лувза выъыр стела ва выъыр сквер. Ха1р сыда 16 ноябрес гьади гыргара дыркьыбыр йик1ыы хъыдгад магьра1катбыр.
«Гьаатхы1р а хьибыд йиц1ыд сен, амма гьаатхы1бишды бегедебишды ядал на хаджалат ц1ам йишир адиш. Гьабишихьван сыт1ана е йик1иыла утха даъардиш, йик1ыы хъыдгара сиене дыркьыбыр гьа писды выше», - кихьир ай гьадыла хьурагине», Фёдор Щукине.
Магьра1катди иштрак гьыъыр врио сахьусды вице-премьере Рамазан Джафарова, шумдиъиди ведомствамыд кьухьдыбише, Каспийск шегьердид администрациедид къуллухчийше, пограничникеше, Росгвардиедид, таможнидид, УФСБ, МЧС, ФСИН ва Следственный комитетед къуллухчийше ва мадды ерлид шегьерди ешемишды инсанаше.
Б. МЫХАIДЫ