22 ноябрес Мыха1д му1къмыд сельсовет Раджаб Гасантаев ха1сил йишир Украинади гыргара ад СВО –ди иштрак гьыъыд Мыха1ды Дарвин Давудович Кузиевахьван.
Йик1иы лихъиес йыгара, Кузиев Дарвин шесне сентябрь вазыра Россиядид Президент В. В. Путине выъыд мобилизациедыхьван йыхьыд йиъи Украинади гыргара ад СВО-ди.
Дарвин-шура гьыъыри ихтилатбыр джуду эскерва1ли адгедене йишид гьакь-гьасабырмыкла.
Раджаб Юлдашбалаевиче хуткун-суалбыр гьыъыри ихьды да1вие иштрак гьыъыд йигитеда.
Гьади Му1кьу1д кьухныйыла гъайри ани диъий Мыха1д райондид ЦСОН идарадид кьухьды Амрах Османов, ЦЗН идарадид кьухьды Алим Дамадаев ва ихьды сельсоветед военный учетад гвалахбыр гьаъад Шевкет Ширинов.
Гьади хьуъ гет1ир ай суалбыр, шыв кюмегбыр выр йыгад иди ихьды эскерва1ли ад юлдашашис. Халмыд суура, медобслуживаниедид суруула ва выр йыгад лазимды пособиемыкла.
Бегьем дуруъуди сыт1а дишир ад юлдашеше гьыъыри эккед сагъулбыр ихьды йигит Дарвин Давудовичис.
Гьа1бхы1д ха1фтидис Дарвин не райондид кьухьды Давуд Сулейманов ки ха1сил дишир ай.

Насир Ибрагимов