10 апрелес дьунйады гъадухъунды сиене мусурманаше къутли выъыр ай сивид-сывабад байрам. Ихьды республикади гьадис гюре выр ай хьибыд йыгъ выхадныймыд.
Гьа йыгъа сиенебише гьыъыр ай садакьабыр, дугьа1быр, делегбыр ва байрамад суннат кубыр.
Йа1ква1с сагьа1т мыйдис байрамад куб выъыр ай ихьды Мыха1д Джума мездике ки.
Кубад улихьдегине мездике сыт1а дишир ад мусурман шуба1-ришиймаше гыъыри зикр, такбир ва выр ай ха1р илсынды гъад фитр зака1т. Мисте зака1т йиъий ха1р илсындыла 100 манут. Гьа йыгъа ихьды галды мездик увц1ур ай инсындире.
Кубала хъуъ сыт1а дишир абишис къутли гьыъыри сивид сывабыр Мыха1д имам Абдуселим Таирова.
Хьели ихьды джамаха1т къутливалдыбыр гьаъара сасынийыхда халма дуруъура ай, ва сырымы дыхьыр садакьабыр, хайир дугьа1быр гьыъыр ай.
Хынимер ки эккене шад дишир ай, гьисхьурди гьа байрамад йыгъа ийир ай хвабыр. Бала разине гьабыр гадгъа1ре ай хала-халма.
Сиенебишис къутли йиший сивид сывабыр, гьагъзырды сывабырмы гьадагъуй

Насир Ибрагимов