26 сентябрес гвалахбыр гине МыхаIд районди йыркьыр ай Республика Дагъыстанад Правительствадид Седриед заместитель Ризван Газимагомедов. Йыркьыд арыди тааныш йишири гыргара ад гвалахмыхьван раIхъбыр дюз-дюзгин хъаъас хьур, гьудкьуд, чIир йишид эккед гьугълумыра.
ЙикIыы лихъийис, кIыбди дюз-дюзгин хъаъ хьур гьудкьуд раIхъ-кьул машинбыр гыйгъаIд джигима хаайиш гьыъыр ай РД-над премьер-министре Абдулмуслим Абдулмуслимова йыркьыйне районди гьа вахтинди.
Районди ад гедене вице-премьер еринды тааныш йишир ерлид машинмыд рыIкъмыхьван «Рутул — Лучек — Джиных» участкади км 0 — км 42 ва Шиназ муIкъуIхтад машинмыд раIхъ «Рутул — Лучек — Джиных» рыкъыIк кид. Гьа джигима нацIурды хьед бала йишир лаъ йыдкьыр ва юхбыр йишир чIир гьыъыр ай хьед руъуд турбабыр, ва хейир ай рыкъыIд машин гывгъаIд джигаабыр.
Джетинды агьвалат вишир ай ерлид машинмыд рыкъаI «Лучек – Ихрек – Аракул» ва Мюхрек не Верхний Катрух муIкъмыхда руъуъд рыIкъма гьа рыкъыIхла йиъид. Мидики хьедбыр бала лаъ йыдкьыр хейир ай рыIкъмыд сасурбыр, сасад джигимаа сиене раIхъ.
Сиене джигима ГКУ «Дагестанавтодор» идарадид чалышваIлихьван 5-хьусды августа йыхыIр муIкъуIхда руъуд раIхъбыр мадда дюз гьыъыр ай гьудкьуд джигабыр дюз хъаъама.
Гъийгъа гьа гвалахбыр гыргара мада, дюзгин хъаъара рыIкъмыд гьудкьуд джигаабыр. Сиене гвалахбыр бегьем гьаъас йыгара а 10 октября йыкьама.
Ми хабар ес выъыр ай Дагъыстан Республикадид Правительствадид пресс-службадире.

Б. МЫХАIДЫ