Ислеэнды йыгъа, 26 майес, Кавказский инвестиционный форума РД-над Правительствадид Седри Абдулмуслим Абдулмуслимов ха1сил йишир ай Северо-Кавказский поездмыд ры1къмыд баш инженерехьван Александр Черномазовыхьван.
Гьабише лаъ гет1ир суалбыр поселек Тюбедыхда вуруъуд поездед рыкъы1ы гъад переездед.
Далгыр ай, шууна переезд а1кьу1ре хъаъас йикисди 2-ды полосадикла 4 хъывыъыр. Кьад машинмыд рыкъы1д Р-217 Кавказ-хьур, гьа переездек кид, йиъи кьва1дхьусды технический категориядид. Выгара гьадис гюре разивалды АО РЖД-дид хъывгын бадана гьа переезда гъад ра1хъ 4 полосады, машинмыс раха1твалды викисне, луза джыъыр к1ыбди сигасна.
Джураана агъмиш гьыъыр ай суалбыр Махачкалди поездмыд вокзал ц1ине хъыъынид. Абдулмуслим Абдулмуслимова гьухуд кал, ц1ине хъаъади, балана убыр йыхы1р йыгара пассажирешды платформамыс, гьыъыр гьади пандусбыр ва лифтбыр, ягъа1д кал гьамыъ ад стандармыхьван.

Б. МЫХАIДЫ