Махачкалдид кьухьнийды Джамбулат Салавовад поручениедыхьван шегьерди сивигыр а тукаа гвалах ваъад автобус (электробус). Гьа автобус пилотный проектахьан сивигыр ад виъи вазырды арыди.Меркездид транспортный управлениедид хабардихьан, электробус гывгъа1ре а №5 маршрута, хьурагине гьади гывгъа1ре ай троллейбус. Тестовый эксплуатацие бегьем вишидыла хъуъ шегьердид кьухьдыбише выси кьимет гьа электробусад гвалахас. Эгер проект йыхды, хайир гъад йишихьна, йыкьасды 2027-хьусды сыда администрациедис йыгара а лешус гьасад йиц1ыб машин ва сигас гьабыр маршрутмы, хьурагине троллейбусбыр гыйгъа1д.
МАУ «М-Транс» идарадид кьухьные выъыд хабардихьван, Дагъыстандид меркездид кьухьнийды инициативадихьан ми вазырды арыди ха1р выхадниед йыгъа электробусад проезд инсанашис йикиси кьа1ренед.

Б. МЫХАIДЫ