Махачкалди меркездид кьухьды площади йыгыр ай да1гьвиди Гъаалибдишибишды хыдылашды Парад «Движения Первых»-хьур халкьдид организациедире. Гьа йыгыд йиъи хынимешды общественный организациемыд Йыгъас ва ВОВ-дид Гъаалибва1лдид 80-сен йишинис гюре.
Шествиеди иштрак гьыъыр ай 5 гьагъзыр инсындире, «Движения Первых» ва «Юнармия» организациямыд инсанар, волонтерар ва спасателер ки кине гьабишихьван сыт1а.
Гьади Почет ад мийманашик кинидиъий Россиядид Йигит Артур Орлов, Дагъыстанад вице-премьер Муслим Телякавов ва мадды кьухьдыбыр.
Орлова къутли выъыр иштракчийшис Победадид юбилей ва балана гьакьды гвалах виъи хьур ветеранар йик1иыла утха джыдыъын
Телякавова гене гьухьур, ихьды джигьилешда, ватанды йик1 гъана са диъид, леч1уси джуьхьды валает увуху1с мидыла хъуъ ки.
Гьа мероприятияди гъаъ ачых гьыъыр Россиядид не Дагъыстанад пйдахбыр, «Солдатский платок» да1гьвидид иштракчийшды дурубыр кид ва гьыъыр гимн не мук1быр.
Дур ад мийманаше ит1ир галстукбыр ц1инене кет1ибишде «Движения Первых»-хьур организациеди.
Парад бегьем йишир шествиедихьван Магомет Гаджиевад кучида хьуъ ва лихьир быч1быр дыркьыд эскерешды памятника Ленинед дур гъад парка ад.
Гьади иштрак гьыъыр ай ихьды Мыха1д райондадыбише ки.

Б. МЫХАIДЫ