Махачкалди 100 метри гъад уст1ул ваъасды и сиене Россиедид халкьмыд улесдыбыр уу сихьир ад.
15 сентябрес Сулейман-Стальскиед дур гъад парка ачых гьаъаси 100-метри гъад суьфра 300-ла артухды ха1р джура улесдыбыр хьуъ сихьир, дагъыстанабишды йикьцар-хинк1арала ка1ч1ур ва мадды регионма уледмыла гъаъ ка1хъа1ч1ур.
Фуланды магьра1катди са джигыди ягъмиш дикиси ха1р халкьдид инсанар, гьабишда сасынийды гьадатмыхьван таныш дикис йикиси ва улесдымыд дад ваъас йикиси.Гьа магьра1кат Дагъыстанди выгыргара ад кьа1рды диш, Дагъыстан кеп1ир анивиъи, гьис хьурди джалахьуъ ки, гьамыъ ки са накьуды ху1рмет ана ешемиш йиъи джурба-джура халкьбыр.
Фуланды проекте экспертеше дестикь гьаъасды йиъи ц1инды рекорд «Рекорды страны и Мира»-хьур дургъад, баш редактор Алик Бамматов кьуле гине. Мадды ху1кийметмаады мийманар ки дыкьасды йиъи гьа маджлисе, гьади дикиси блогерер не журналистер ки.
Магьра1кат выгыргара ад виъи Россиедид халкьмыд сава1лид Сен не Дагъыстандид халкьмыд сава1лид Йыгъад байрам гуьзет выъыр, ва гьа викисды виъи сахьусды кьухьды магьра1кат «Хранители традиций»-хьур дур гъад фестивале.

Зарема ИСРАФИЛОВА