Мыха1д районди хынимешды творчествадид Хала агъмиш выъыр ай уфтанды ва шадды байрам, кьуле выгыд хынимешды Йыгъас ва мистед Ватандид защитникешды Сыдыс.
Гьадид нетидже виъий хынимер гьа йыгъа шад дыъын, гьабишис дюзгинды тербиебыр вын, ва гьабише ху1рмет хывкьын ихьды эскерешды, ихьды Ватан уву1ху1ре ад.
Кьуляа байрам беслемиш выъыр Йирекды мехьтебед телебиере гьыъыд на1гьниехьван «С чего начинается Родина»-хьур.
Хьели гьагва гьыъыр ай театрализованный сценка «Дети – за мир»-хьур – дыкьа сасыныйды ху1рмет хывкьас, да1гьви адишне ешемиш дикис, хьур, хайиш гьаъара.
Балана бегемиш йишир ай постановка «Маленький солдат» («К1аъды эскер»-хьур), бала уфтанна роль выгыд Шамхан Рагимова, 2 класса ад телебиере. Гьанийды гьулхъуны сиене рази дишир ай.
Бегьем ки быт1рана выъыр ай байрам: шарбыр, на1гьнибыр, шадды яхъбыр – гьагва гьаъад хынимешды шадвалды.
Эккед сагъул-варул виъи сиене иштрак гьыъыбишис, магьа1лимешис, кьуле выгыд гьасад быт1рад, шадды байрам!
Ихьды хынимер – райондид гьунар ва валаетдид геледжеквалды!

Б. МыхаIды