Ми йыгъырма ГКУ РД УСЗН в МО «Рутульский район», хьур, идарадид къуллухчи Виталий джуду йикIяа лувзур китIир Россиядид Миноборонадыхьван контракт МыхаIаI гьархыIр а Украинади гыргара ад СВО-ди.
Гьа йигит рыкъаI иед вахтинди гьади иштрак гьыъыр ай МыхаIд районди ад РД-над Минтрудад идарамыд кьухьдыбише: Магомедрагимов Амур Магомедовиче, Османов Амрах Ниязовиче ва Дамадаев Алим Эсрефиловиче. Гьабише джуьхьды суруула выс куьмег, хыл-худ йывхыIс, хьур, рыкъаI ийид эскерес гьа даIгьвие ад вахтинди.
Райондид кьухьние Сулейманов Давуд Амаевиче эккед кьимет выри эскеред йигитваIлис, балана вирзир гьание выъыд гвалах ва эккед сагъул-варулбыр гьыъыри. Къисмат йиший, хьур, кIыбка хала хъикьас, ва сиъинбише гюзет гьаъас хьур хъикьасды йыгъ.
Дыкьа йе-ваI сагъулбыр гьаъас сиене ихьды эскерешис, даIгьвиди ад ихьды Ватан бадана!

Б. МыхаIды