Эгер хала сижыдгухьна газад курмаlльбыр, вентиляциемыд каналбыр шыв хаlле ади гьацlара гьаъас йыдкьыд газмыд специалистер, дагъыстанабишыла 5-10 гьагъзырды манутад джармабыр гьаъас, хьур, тапширмиш дыъыр ай инсанар.
Гьадыхъунды джарма гьаъас, нагагь джидчlихьна китlес договорбыр дюз-дюзгин гьаъасды ари халма ад газад оборудованиебыр. Гене гьасад джармабыр гьаъас, эгер инсанаше ихтияр хадишне хала ыхыlхьна газад оборудованиебыр ва яки адбыр дегиш гьаъас джывыхьна.
Сыда сада газмыд идара бырджли виъи шыв хаlле ади ахтармиш гьаъас халма ад газад оборудованиебыр.
Себеб, сиджидгынид гьабыр хала, хаlрса джура вишинис минкир виъи. Меселла, халды иесси ешемиш руъура мадды региона, гьили ади ахтармиш гьаъас руъурдиш ва гьацlардиш, гьилиъне ади.
Сасадбыр дикис хьур дагул дуруъура. Сасадбише, меселла, халкьара, джухьды хала сиене йыха йиъидка, дюз-дюзгин йиъи хьур, йидис вылцlад йиъи кьаарды тангабыр, хьур. Бяlзибише сидыргардиш хала газовикер, гьацlадыла джюхьды ад чlирид джигаабыр — эгер газад пич лазимды джигиди гидишди, меселла чlирине ишлемиш гьаъади газ. Хьибыдхьусдыр диъи кид «группа риска» категориядик ва ачых гьаъардиш халды рак, дагул гьаъадыла газ, ишлемиш гьаъадыла сертификат адишды газад оборудование.

Б.МыхаIды