Республикадид Минсельхозпродадид пресс-службадире выъыд хабардихьван, Гьахти муькъа1, Ахтынский районди, ка1ч1ур а ягъмиш гьаъара сахьусды промышленностед ма1хсил эккед ичирмыд багъда.
Ягъмиш гьаъасды старт выр ай Дагъыстандид сельский хозяйствадид ва продовольствиедид врио министре Иван Голубе, министред сахьусды заместителе Шарип Шарипова, Ахтынский райондид кьухьние Абдул-Керим Палчаева ва проектед инвестора Джамалдин Пашаева, сахьусды хукумыкла емишбыр куут1кьур.Суперинтенсивный багъ шпалерный системадид ва ук1-ук1на хьед гьабгъуд шесды сыда гихьид йиъи дерьягьала гьагъзырды метрия элийиъид ермы. Сахьусды ерере хывкьыр а 57,5 гектар. Мисте плынди а ягъмиш гьаъас 400 тонн ичирмыд, аммахьудды сыдыла, багъ кьухьа йишир бегьем йишида, ма1хсил йикиси 7 гьагъзыр тонн са сыда.
Проект кьуле йыгыр ерлид инсанашис 100 гвалахад ер вишир а. Хъуънака суперинтенсивный багъдид ер плынди а кьухьа ваъас 139 гая выгыр.

Б. МЫХАIДЫ