Дидды Йыгъад байрамад хьурагинды йыгъа МыхаIбишды СОШ№1 мехьтебе выгыр ай «Территория пап»-хьур футболад турнир, гьили сахьусды иштракчиер диъий телебийшды дидабар. «Территория пап» - сытIад футбол виъи дидабашене хынимеше ваъад. Ми бытIрад серинды йыгъа хынимер не дидабар ягъмиш дишир ай мехьтебед футболад площадкади. Командамыд сахьусды ер хывкьас йыгад чалышвалды, шадды хьесымбыр, яIхъ-зарафатбыр - гьабыр сиене йиъий футболад турнир «Территория пап»-хьур
Баш судиеваIле турниред гьыъыр ай физкультура дарсбыр вылцIад магьаIлим Рамазанов Рамазан Шевкетович, дюзды кьимет выд ихьды хынимешис не гьабишды дидабашис. Футболад турнирекла гьекъийкъатды байрам вишир ай ва , умуд ваъара, гьадикла йикис хьур цIинды мехьтебед гьадат.

Б.МЫХАIДЫ