Дагъыстандид Халкьдид Маджлисед Президиумара седри йиъине парламентед спикер Заур Аскендеров дестикь гьыъыр йыгъад повестка ва ваъасды гвалах Халкьдид Маджлисед 56-ды сессияди, выгыргасды 13-хьусды маес. Гьа иджласад гвалаха иштрак гьыъыр Дагъыстандид Правительствадид временно исполняющий йиъид Седрине Магомед Рамазанова.
Йыгъад повестка агъмиш гьаъасма хьурагине Заур Аскендерова выр ай Памятный РД-дид Халкьдид Маджлисед Седриед дур кид сагьа1т Ислам Магомедовас, РД-дид кьухьнийды акъсакъалашды Советед членес.
Сахьусды суал выгыргара ад сессиядид йиъий агъмиш гьыъын кьарар раазивалды вынид Магомед Рамазановад кандидатурадис Дагъыстан Республикадид Правительствадид Седрива1ли. Кандидатура гьувга выъыр сивхьир ад йиъи временно Кьухьды йиъид Дагъыстан Республикади Федор Щукине 6 маес. Халкьдид Маджлисере гьувга выъыр ад кандидатура дестикь ваъаси Дагъыстан Республикадид Конституциедик кид вахтиндихьван.
Сиене сыт1а 56-ды сессиядид йыгъад повесткади кийир ай 29 суал. Депутатар хъадацус ха1р сыда гьаъад Дагъыстан Республикадид Общественный палатадид докладахда гьадид гвалахад на ва шыв агьвалат айди региона 2025 сыда. Гьадыла саваенди, агъмиш гьаъаси йыгыр ад дегишвалдыбыр республикадид законопроектма, тааликь руъуд муниципальный гвалахас, инсанашды сагъва1лис, хыл-худ йывхы1р куьмег гьыъынис етим хынимешис, хал-лахмыд ремонтбыр гьыъынис, ху1кийметед имуществабыр приватизировать гьыъынис, природадид охранадис (Красная книга), физический культурадис ва спортас ва маддымыс. Дестикь даъас ц1инене кет1ир ад РД-дид Общественный палатади инсанар.
Гьадыла гъайир, Президиумара агъмиш гьыъыр ай федеральный законопроектбыр ки. Дагъыстандид депутаташе дестикь гьыъыр 26 федеральный законопроектбыр, гьагва гьыъыр ад РФ-дид Ху1кийметед Думадире ва 6 гьамыкла кьабыл гьыъырдиш.

Б. МЫХАIДЫ