Дагъыстандады эскер Ранита Мамедовара иштрак гьаъара а Украинади гыргара ад спецоперациеди. Гьа риъи радиосвязист разведкадид ботальона специальный военный операциедид зонади ад.
Мамедова Дербентдады риъи, хьурагине ки эскерваIле ришид.
Эскервалды ваъасма гьание кьыле выъыр хаIр выъыр ай парикмахервалды ва ешемиш ки риъий Мурманский областе. Гьанийыхда хьибыр хыных а. Гьание даIгьвиди иштрак гьаъас хьур кьарар эгъетIид йиъи Ватан аIхтиет ваъас йыгадыла ва кюмег гьаъас хьур выгIлис, гьади даIгьвидид кIеэ ад.
СВО-дид зонади ливере ад эскерваIлире гьанийис гьагва гьыъыр а балад джетинвалдыбыр – апрель вазыра 2022-хьусды сыда гьади йикьири гьанийды выгIлид шу. Гаджаркьыр гьа джуды джетинвалдымыхда, Мамедова эскервалды ваъара мара, гьувга ваъара джуды эккед йигитвалды на дирибашвалды. Джухьван ад юлдашеше ки балана вирзере а гьанийды йигитвалды.

Б. МЫХАIДЫ