Дагъыстандады 55 сен йишид инсан йырхьара лийкьыр ай Меккади.
Ботлихдады Дибиргаджи Дербишев рыкъа1 а1ч1ур 26-хьусды январес мистед сыда. Джухьван гьанийде хад са сумка йиъий, сахьусды гьанийды ният йиъий уджумыд ермыы йыхьын йырхьара, леджеч1ур са транспорта ки. Рыкъа1 гьанийды литхьури юкьуб ваз. Вышедыхъаъ лубзурай джадац1ад инсанашды халма ил ы1хы1с, кьа1чивалды угъувгъус. Ры1къма йишид джетинвалдымыхда гаджакьыр, гьа лийкьыри Меккади, выъыр гьади умра ки.
Дербишев сагъна-шадана хъиркьыр хала май ваз йыкьа1 ливкьыйне. Сиене му1къ гьанийды рыкъа1 выхьыр ай.
Гьанийды ч1илмыхьван, джетинвалдыбыр рыкъа1 йишийнеки, джуу мысга ха1сил дуруъурай йыхды инсанар, кюмег выс чалышды.

Б. МЫХАIДЫ