Дагъыстанабишды полициядис выр а цIинды пахъпахъыйбыр
Российский Федерациедид полициядид байрамад Йыгъа Дагъыстандид Кьухьние Федор Щукине республикадид МВД –дис выри 12 машин не ва 5 пахъпахъый.«Ми техникадире дирибаш ваъас экипажмыд гвалах, к1ыбди йикис дыкьас еринды эгер ры1къма шывга машинмыд зиян-зарарбыр йишихьвна, гьадис гюре порядок йыха йикис ры1къма. Амани республикадид инсанашис сахьусды кьул йыгад машинбыр бала йишидыхъаъ, агьвалат ры1къма йыха вишин: аварибыр ц1ам йишин ва инсанар джыдыркьыр, сагъна адгын. Гьадихда гадкьы1р йиъи инсанаше кьимет вылц1ад ихьды сыт1а выгыргад гвалахас», - гьухьур Щукине.
Республикадид Кьухьды РД-дид внутренний гвалахмыд министрехьван Абдурашид Магомедовыхьван сыт1а тааныш йышир ц1инды техникадыхьван ва гьухьур, патрульмыд мобильность, дирибашвалды лаъ вишинихьван йикиси к1ыбди дыкьас авари вишид еринды ва йыха викиси выгыргад ры1къмы макъыетвалдыки.
Б. МЫХАIДЫ