Запорожский области ад Михайловский райондады 92 хыных кьабыл дыъыр Дагъыстана.
Джигьил мийманаше, юкьды кьухьды инсанашихьван йидкьыр ад, лийиси джуьхьды гъы1льдид каникулбыр шегьерда гъаъна ад «Солнечный берег»-хьур оздоровительный лагере. Запорожский областес Дагыстан Республикадире кьыблахъуъ подшефный кюмег вылц1ара ад йиъи, руъуд хул-худ вырыхы1ре, гьадис гюре йишир хынимешда республикади дыкьас мисте гъы1нне ки.
Джигьил мийманаше ва гьабишихда хъудбише Дагъыстана лийиси 21 йыгъ.
Ми гвалахбыр кьуле гыргара адбишды ихтилатахьван, хынимер эккене раази дишир ай дагъыстанабишды мийманва1лиы, шууна джва1р йыхана кьабыл дыъыны. Гьабыр бадана гьазыр выъыр а эккед бегемиш викисды программа, шад даъасды хынимер, йик1ыыла уджутхасды фикирбыр адгасды.
«Солнечный берег»-хьур лагере гьабишис йыхана ешемиш дикисды ермыла, уфтанды улесдымыла гъайри, гыргаси балад оздоровительный процедурабыр, джандис хайир высды, джандымыхда кьуве, гуджбыр хъыгасды.
Джанбыр сагъ хъыъынид гьасабырмыла гъайри, гьабишихьван гыргас хьур а спортад мероприятиебыр, балад гвалахбыр ха1р гьаъад мастер-классбыр, кьылевыъынмыд,  хынимер мааки развивать даъасды квестбыр ва дадды мачхулатад, шадвалдымыд мероприятиебыр.
Гьадыла, умуд кивере, мистед гъы1нне хынимеше вахт ливиси шадана, секинне, ц1инды хыдиймашихьван, ва йик1ыыла уджутхасды фикирбыр адгасна.

Б. МыхаIды