Дагъыстан Республикадид информациедид ва печатад Агентстводире Запорожский областе ад подшефный Михайловский района сивигыр ай эккед партие гуманитарный куьмег высды кардымыд.
Мысга ваъад ка джалахьуъ, сивигасды бар гьазыр выъыр ай гьади ешемишды инсанашис лазимды кардимыкла, гьабишис шыв сахьусды кьул йыгарди, ва улед-рагъадбыр ки кине.
Гьадыла саваенди мехьтебырмыс, садикмыс ханийиъи дагъыстанабишды шаирешды произведениебыр, шиъирмыд сборникбыр, СВО-дид йигитешикла кихьир ад китабыр, республикадид таарихекла, маданиетекла, ва джалахьуъды гьадат-нубатмыкла кихьир ад китабыр.
Дагъыстан Республикадид информациедид ва печатад Агентстводи кьухьнийды советникед Мурад Магомедкеримовад ч1елмыхьван, гьасад китабыр сигынид натийдже виъи кьыле ваъабишис куьмег выныла гъайри, тааныш дыъын Запорожьеди ешемишдыбыр Дагъыстанад маданиетдыхьван, эвелды ва гьамыъды гьадат-нубатмыхьван.
Акция выъынид инциатор йиъий РД-над информациедид ва печатад Агентстводид кьухьды Арсен Юсупов, гене ми хылис маа ихьды Михайловский райондады юлдашешис куьмег выс, хьур. Гьадыла саваенди тааныш даъас хьур подшефный райондадыбыр ихьды СВО-ди ад йигит иштракчийшды таарихехьван, инсанашис азадвалды ваъас чалышды националистешды езидешыла, ва лазим йишийне, джан ки сихьир. Сиене гьа китабыр ишлемиш гьаъасды йиъи дарсыма, мехьтебырма гыргад», — гьухьур Дагинформад кьухьнийды советнике.

Б. МЫХАДЫ