Национальный проект «Демография» «Старшее поколение»-хьур кьуле йыгын бадана, МахаIд райондид ГБУ РД ЦСОН идарадид къуллухчийше дыгыргара анидиъи 65 сыдыла лаъды еш ад инсанар МыхаIдид ЦРБ-ди гьади ад духтурашихда гьабыр гьабишихда гадкьын бадана ва диспансеризация гьаъас хьур. Гьадыхьван сытIана гьаъара а скринингбыр мадды шывга инфекциедид ядалбыр джанде ад-адишды гьацIара гьаъад.
5 агъаIлиер КаIли муIкъаIды гьеми йыгъырма дыгыр ай амбулаторный пунктаа, гьабыр духтурара кьабыл дыъыр ай учур гуьзет джывыъыр Дагъыстанад Минздравад межведомственный соглашение гуьзет гьыъыр.
Обследованиебыр йыгыдыла хъуъ духтураше гьабишис кихьири лазимды дава-дарманбыр.
Мистед сыдыд сентябрь вазыра сиене кине 12-ды ихьды райондади ешлыд инсанас гьасад куьмегбыр выр ай.
2024 сен каIчIуда хъуъ специалистеше ва социальный гвалах кьуле выгыргара ад ЦСОН-ад къуллухчиер гъилыы-кьулуу гъана 97 инсан хаIр-са муIкъаIды летIкьа дыъыр ай медицинский учреждениема профилактический осмотрбыр, диспансеризация гьаъас хьур ва гьадихьван кине мадды шывга инфекцие и ва ядалбыр джанде ад-адишды гьацIара гьаъаcды гьакьасабыр йыгыр ай.
Духтурашис гьадгва дыъыр бегьем дишидаа хъуъ ЦСОН-дид къуллухчийше гьабыр сиене халма хъыдгыр ай идарадид машинехьван.

Зарема Исрафилова