ГБУ РД ЦСОН МО «Рутульский район» идарадид къуллухчиер дыхьыр ай СВО-дид иштракчияхда Алиев ХаIбибыхда, хъыркьыр ад даIгьви ад джигида кIаъды отпускади. Гьа гвалах йикIыы гъабгасды виъи, йисхьурди гьа ихьды Президент Владимир Путин гьухуд йыгъ йиъий.
Центрад къуллухчийше къисмат гьыъыли ихьды эскерис сагъды джан ва хайирбыр даIгьвиди ад вахтинди.
Гьадыыла саваенди хуткун-суалбыр гьыъыри, шывга ама-дишме къавгъу-дердибыр, кьуле йыгыр йыгад куьмег выр суалбыр. Идарадид суруула ХаIбибис улесдымыд ва мадды кардымыд набор ки выр.
ХаIбибе гьыъыр сагъул-варулбыр йыдкьыд мийманашис, ва сиъинбишихьван сытIа къутли гьыъыр хуIкиметед Президентес Владимир Путинес ки гьухуд йыгъ.

Ю. МАГОМЕДОВ