РД-над Правительствадид Седри Абдулмуслим Абдулмуслимова выгыд иджласа хозяйствующий субъектмыд гвалах лаъ-хьуъ выгыр йыгара хьур республика ки кине уставной капиталмык, гьыъыр ад приватизациедихьван.
Гьанийды чIелмыхьван, эффективный дишды гвалахад себеб виъи унитарный идарамыра коммерциядис бала убур рыхыIре адыла, амма доходбыр бала йишин сахьусды кьул дишдыла.
Шесды 2024-хьусды сыда АО-мыра ва ООО-мыра сиене ари кине къазамиш выъыр ай 340 млн, гьамыкла 43,3 млн ООО-мыд къазамиш йиъи ва 296,5 млн — АО-мыд.
Дебиторский не кредиторский бырдж — 3,5 не 4,7 млрд. Хьурастад 2023 сыдыла хъуъ дебиторский бырдж — 59% ва кредиторский 2 хылис лаъ йиъий.
А. Абдулмуслимова йикIыы лихъийири республикади гьаъара ад дегишвалдыбыр ва гъигъе хъаъара ад предприятиемыд суал, гьамыда мисагьаIтди рыночный эконимикадире ягъаIре ад кал дуьзене гвалах ваъас йичIере адиш, гьадыла кьарар эгъетIир ай гьасад хайир гъадишды ва гвалах джаваъара ад предприятиебыр гъигъе хъаъас.

Зарема Исрафилова