ХуIрметли Абдулмуслим Мухудинович!
Дагъыстан Республикадид сиене журналистешды суруула ва изды суруула къутли ваъара Вас 65 сен йишид юбилей.
Хьибды сыдыд арыди Вы йиъид вахтинди республикадид Правительствадид Седрине Дагъыстана балад сферама цIинды ва йыхды гьакьасабыр каIчIури.
Ва гъийгъа ки Выды чалышваIлихьван Дагъыстан виъи регион махкамды, гъигъды экономикадид потенциал ад, йыхды кьылевыъынид ва здравоохранениедид потенциал ад, джатIур лаъ-хьуъ виъид ва сирхьед джуду улихьде кьуле йыкьасды эккед гвалахбыр.
Выды чалышваIлихьван Дагъыстан Республикадид средства массовой информациедид отрасль мааки цIине, йыха вуруъура а. Ес сиенебишис гьацIара, хабар виъи Ва рыхыIд убрыкла, вылцIад куьмгикла национальный изданиемыс, ва журналистешис ки гьадикла хабар виъи.
ЧIелмыхьван дишне, гьекъийкъатды гвалахахьван чалыш йиъи Вы суга джаъас ихьды уфтанды национальный чIелбыр. Выды гьухуд йыгъа къисмат гьаъара Вас мааки мидыла хъуъ йыхды гвалахбыр, кьуле йыкьый сиене чалышвалдыбыр, кавказдид балад гьуIмир вий ва сиене йыхды карбыр къисмат йиший.
ХуIрмет ана Вас,
РД-над информациедид ва печатад Агентствадид кьухьды Арсен Юсупов на «МыхаIбишды цIинды хабарбыр» газетед редакциедид коллектив.