Гьа хабар выъыр ай РД-над кьылевыъынид министрере Яхья Бучаева. Гьа суалбыр агьмиш гьыъыр ай Дагъыстанад кьухьние Сергей Меликова выгыд Координационный Советед иджласа, региональный «Движения Первых»-хьур отделениемыхьван выгыд.
Яхья Бучаевад ч1илмыхьван, гьадис гюре гьазыр гьыъыр а сиене сыт1а 260 лагербыр – 21 шегьерма гъаъна ад ва 239 мехьтебырма ад. Эккене убур йыхы1р ай «Движения Первых»-хьур организациедид программамыс: 1-хьусды июняла 1-хьусды сентябряйыкьама викиси 5 смена «Солнечный берег», «Орленок» ва «Юность»-хьур дур гъад лагерма.
«Солнечный берег» лагере дикиси гъы1нне 250 хыных, «Орленака» – 500 (2 смена) ва «Юность» лагере – 360 хыных.
Дагъыстанад кьылевыъынид института гьа хынимешихьван дикисды гьазыр даъара а 210 магьа1лим
Майес Пятигорскади мехьтебырма ад ихьды республикадид лагермыд кьухьды вожатыйше иштрак гьыъыр ай гьазырвалдыбыр гьаъад гвалахма управленческий командабыр гьазыр гьаъад гедене, вожатыйшды командабыр гьаъади «Движения Первых» сменамыд кьухьдыбишихьван.
239-ды республикадид мехьтебырмыд лагерма гыргаси районмыд сменабыр «Движения Первых»-хьур дур гад отделениемыд. Гьади иштрак гьаъаси 19 гьагъзыр хынхыра 7-ла 12-ды сыды йыкьама. Гьадыла саваенди му1къмыд гъаъсуру гъад лагерма гьаъас йик1ыы гъа гьасад сменабыр ха1р вазырды сахьусды хамисды йыгъа.

Б. МЫХАIДЫ