7-хьусды октябрес, Россиядид Президент Владимир Владимирович Путин гьухуд йыгъа, Дагъыстан Республикадид национальный политикадид ва динмыд гвалахмыд министр Энрик Муслимов на Дагъыстанад хьылешды Союзад седри Интизар Мамутаева ва волонтерашихьван сытIа дыхьыр ай мийманваIле даIгьвидид иштракчиехда, Российский Федерациедид Йигитахда Ибрагим-Паше Садыковахда.
Ибрагим-Пашара ихтилат гьыъыр джуды фикирда шудаъ асыллы йиъиди хуIкиметед гьакьасабыр, кьуве, лаъвалды валаетед кьухьнийла, гьанийды гьунурдыхьван и ихьды аала-лаъ диъид джигьилешихда джуьхьды Ватан хъывгынваIлид фикирбыр ки руъуд.
Гьадыла саваенди ветеранашды дуруула СВО-ди иштрак гьаъабишис сигасды «Гъаалиб дишидид Кагъатбыр» волонтераше гьазыр гьыъыр ай. Гьа гвалахара маабыйды йыха, гъигъе гьаъара арабыр джигьилешды на кьаIсдыбишды ва гьа гвалах сагъул выъыд гьасаб виъи ихьды Ватан увуIхуIд эскерешис.

Зарема Исрафилова