20-хьусды сентябрес Дагъыстандид Правительствадид Седриед заместителере Абдурахман Махмудова выгыр ай санитарно-эпидемиологический комиссиедид иджлас. Гьа иджласа хьуъ гетIир ай суалбыр гриппед не ОРВИ инфекциямыд бадана. МыхаIд райондид сураа гьа иджласа иштрак гьыъыри МыхаIд райондид кьухьные Сулейманов Давуд Амаевиче ва МыхаIд райондид больницадид баш духтура Ибрагимов Равиль Нухаевиче. Гьа иджласа далгыр ай шыв гьаъасды гьа ядалбыр бала джишин бадаана.
Гриппед ядалбыр ва мадды вирусмыд ядалбыр идхьур а МыхаIд районди ки. Гриппыр йыхыIд инсанар бала анидиъи, кIыъные-кьухьние са сынийикла халкьара а гьа ядалбыр.
Шыв гьыъыр йыгарди гьаасад ядалбыр джишин бадана, йе-ваIс ва ихьды ярас-дустас ихтилат гьыъыри МыхаIд райондид центральный больницадид духтура Магомедова Лейла Эльдаровнара. Гьание гьухьури: «МыхаIд районди гриппед ядалбыр джишин бадана, сентябрь ваз йибкьыдкал, районный поликлиникадид прививкабыр гьаъад кабинете гьаъара каIчIур а прививкабыр «Гриппол» дур гъад прививка ваъад дарманахьван. Гьа прививкабыр гьаъара а хаIр муIкъаI ад ФАПырма ки. Прививкадире, гьухьус йикиси, сахьусды ядалбыр инсындид бейде хаIчIус джывылцIад.
Гене ки гриппырмыда гьидире удуIхуIсди йес ихтилат гьыъыри Лейла духтурара. Гьа ихтилатбыр йе лиере урус чIилыла ихьды районди ад рыхьдисинды миллитдид инсанашдаа кьыле гьаъас йишин бадана.

Насир Ибрагимов