Дагъыстан Республикадид Правительствадид Седри Абдулмуслим Абдулмуслимов МыхаIд района йыркьыйне тааныш йишир ай вихире ад МыхаIдийкьама цIинды водопроводахьван Амсар, Кала ва Куфа муIкъбыр ки ари кине.
Республикадид правительствадид хабардихьван, водопроводад гвалахбыр кьуле гыргара ад йиъи 2019-хьусды сыдыд республикадид инвестиционный проектахьван. Монтажный гвалахбыр гьаъас китIир ай хуIкиметед контракт ООО «Стройоригинал» идарадихьван 212, 9 млн. манутмыд. Гъийгъа гьа объектед гьазырвалды виъи 95%.
Объектахда гахъыдыла хъуъ гьухьур ай, гьа водопроводад заказчик виъий муниципалитет.Объектед кьимет хьурагине выъыдыла хъившир а 233,8 млн манут. Гьадис гюре заказчикере гене кихъитIир а соглашение бегьем гьаъас мадад гвалахбыр, амма гьамыъ гьа гвалахбыр бегьем гьаъас хъыгара а гене 12,8 млн манут.
«Вахтинди объект бегьем йишир гвалах ваъара каIчIун бадана водопровод, гьыъыр йыгара дегишвалдыбыр республикадид инвестиционный программади гьагва гьаъасна кам руъура ад 12,8 млн. манут. Гьа суал кьуле гыргас цIинды сыдыд бюджетед проект кьабыл гьаъади, гьадид дерде е гьамыъмадана анидиъи», — гьухьур А. Абдулмуслимова.

Б. МЫХАIДЫ