1 апрелес кувчIур ад ва 15 июля йыхыIр викисды хьадид призыв.
Хьибды райондид военкоматад плындыхьван ихьды МыхаIд районда дагъаIре а 40 призывник.
Гъийгъад йыгъахьван лап цIам диъи дыхьыр ад военкомата повестка йыдкьыр призывникер.
ГьацIара, баласды джигьил гадиер хырыда а, къазамишбыр гьаъара, сасадбыр студентер диъи, едедбыр ки а, сасадбишис повесткабыр йыдкьыр а «Госуслугама».
Гьадыла гьазыр гьыъыр йыгара справка, гьагва гьыъыр, выш едед йиъиди, выш студент йиъиди, выш хырыда гъаъ суруу ади ва шумур сиене сытIа ад гьац1ын бадана призывник, дыхьыр йыгад военкомата повесткадихьван.
Гьасад справкабыр лийкьа гьыъыр йыгара военкомата ки ва райадминистрациеди ки, вацIын бадана виъид еринды агьвалат.
«Армиди йыхьын» — гьа священный бырдж йиъи ихьды Россиядид Конституциедик кид.

Расим Таибов