Варлыес йыхвалды выъыдки са йиъи, духла ха1ред гъы1йхы1дки.
Аллагьахда йыгъбыр бала а, варлыехда — девле.
Баду адишнийихда, йывнийда хъабджес вич1есдиш.
Виргъире накь гьыъын, ха1диймыд шадвалды виъи.
Гут1аки эхир са йыгъа быч1быр лидкьаси.
Выды мич1риек заски талильды ч1ар ки.
Сабишихда гъубагъмар а, сабишис дыдар сидхьур а, сасадбишис нудж выгара дана йывыгасды.
Аллагьас гьагун бадана, мынари сивхьир йыгара.
Ханадаа ра1хим ывгасдиш, касибеда ц1икен.
Гуджлиед бегеде гудж ад йиркьыхьвна, залилды сихъиръэсдиш.
Гьа1рсызас ры1хъ диш, бышнийис гич1 диш.
Гьа1рсызара йийид ейуьх уле ырхы1ре.
Ватандид къадри гъарибва1лы лирхьуйне вац1ара.
Иессиес девлене гьагвад, хъачахас мискьынне гьагвара.
Йыхвалды мысна сивчесдиш, писвалды йик1ила убхасдиш.
Кьыркьыра вихид адар, Аллагьад диш кьадар.
Лихь гъанийы ч1ар йикьасдиш, джумартды варлы йикисдиш.
Джикисды инсан къундахараки рыхьы1ре.
Вас выд кьадардире сахыд лаъ кеере.
Бала йирхьыд и арха ибхьуд.
Базиргенед ядал — я парчидид тупа а, яки кирхьаганад турпыди а.
Выды йик1ыы гъад хиялмы бахтире яхъ гьаъара.
Едед ичиере вы джараха1д риге гыргаси.
Вырды хьыблиде выды кьир ларубхьва мываъ.
Къуру и, хьур, лит хьуъ хамабугъ, тух и, хьур, — хьыв.
Т1урхьванала хъуъ литедихда гъумаругъ.
Вырды улире улед джуды ухьне диш.
Мысга ханна вы аргасдиш, у1ткемды дамах хабгасдиш.
Ихтилат джыкды йыгара, кыт1 ху1ля1хды.
Йиц1ыб йигитвалды выъыйне, гьац1, гьуч1уд гьа1мал гьыъыр ад.
Быт1равалды са йыгъа лабт1уси, хъучахвалды абгаси.
Са хъучахад гуджехьван къала ле1шус йикисдиш.
Шудаъ вы лаъ хъа1ч1урдики, ха1ле хыл лийкьасдиш.
Си дамыд иесси виъи, аслан адишди вахтинды.
Халды исалвалды масалмыс вац1ара, дерд анийды — йик1ис.
Луджувгъуд хьеб са чахъвлас лазим викиси.
Зы ад ватан зас Багъдат виъи.
Нисиди мулюхь джу ваъад диш, дыд сувкьуйне вуруъуд виъи.
Саъ гемейи ва дидды сур, нинды суруд таариф гьыъыр.
Быт1рад мухьу1бет хьыблихьван выкьаси, хьыблире хъивихиси.

Бийзат РАМАЗАНОВА