11 ноябрес МР «Рутульский район» -дид администрациеди выгыр ай гвалахад иджлас му1къмыд кьухьдыбишихьван. Иджласа иштрак гьыъыр райондид кьухьние Давуд Сулейманова, гьанийды заместителеше, хьибды райондид военкомара ва маддыбише.
Гьади агъмиш гьыъыр ай суалбыр армидид хумухдид призывад, вергибыр йыхы1нид исполнение, малбыр бирк1абыр йыхы1р яц1а ийин, ГИС ЖКХ-дид системади ийин данныйбыр, гьазыр гьыъын материалбыр игъийин бадана «Книги памяти»-хьур китаб дыркьыд СВО-дид иштракчийшиклады, саки кьабыл гьыъын гьазыр гьаъара ад райондид му1къмыд генеральный планбыр.
Сиене суалбыр иджласа агъмиш гьыъыдыла хъуъ му1къмыд кьухьдыбишис выр ай лаазимды поручениебыр вахтинди, ыхьа1 джыъыр кьуле гыргасды.

Насир ИБРАГИМОВ